REVIEWED BY 'Z'.
Waktu die masih bocah ingusan yg polos & belon mengenal kenikmatan surgawi dari mraktekin masturbasi, Jack Brooks kecil & keluarga suka pergi camping bareng2. Orangtuanye kayanye tipe2 orang yg yakin kalo pergi ngedeketin diri ama alam bakalan ngebawa angin positif buat makin nguatin ikatan keluarga.
Sayangnye, pada salah satu momen “nguatin ikatan keluarga” ini, sebentuk makhluk buas tertentu menginvasi perkemahan mereka & ngebantai semua orang, bokapnye, nyokapnye ama adik perempuanye. Tapi untungnye, di dalem terror itu Jack kecil berhasil nyolong kesempatan melarikan diri, pas makhluk itu lagi sibuk ngegerogotin intestin anggota keluarganye yg laen. Sejak itu Jack jadi punya masalah dalam ngontrol emosi.
Sekarang umurnye udah 30 taun, ngerasa kalo masturbasi itu praktek pathetic dari orang yg ngga punya partner seks, bekerja tetep jadi tukang ledeng, ama dipaksa buat ngambil kuliah malem bareng sang pacar. Mata pelajarannye tuh sains, nama dosennye Prof. Gordon Crowley & hasilnye adalah Jack sadar kalo idup yg luar biasa ngebosenin bakalan kerasa makin menyiksa kalo lo pacaran ama cewe menyebalkan.
Kaya yg belon punya cukup masalah, satu malem Jack dapet panggilan tugas buat nyelesaiin masalah yg dimiliki sang dosen dengan air ledengnye. Tentunye kaga ada yg tau kalo Crowley sekarang tinggal di rumah tempat dimana, pada jaman dahulu kala, sejenis ethereal jahat tertentu ngambil alih badan pemilik rumah yg lama.
Kabar baiknye die keburu terbunuh sebelon sempet bermetamorfosis secara komplit. Kabar buruknye, mayatnye dikubur di halaman belakang rumah yg sama & dengan sentuhan tangan2 Jack yg kurang terampil, sebentuk gas-jahat tertentu pun lepas ke permukaan, secara langsung naro sapapun yg tinggal di situ dalam masalah besar. Singkat kata semua orang bisa liat kalo ada sesuatu yg salah ama Prof. Crowley, & pas tentacle2 mulai bermunculan disana/sini, Jack pun sadar kalo sebenernye die punya panggilan yg harus die turutin dalem idupnye…buat ngebunuhin monster!
...............................................................
Ada 2 alesan kenapa film ini tampak begitu manis di mata gue. Alesan pertama tuh Jack Brooks-nye sendiri, diperanin ama Trevor Matthews, bisa jadi kandidat paling kuat buat ngedudukin tahta anti-hero yg ditinggalin Ash 20 taun yg lalu. Sampe sekarang, belon ada tokoh laen yg bisa ngedeketin kharisma ama energi dari karakter Bruce Campbell itu kecuali die. Dengan potensi kaya gini, tinggal kasih die senjata tangan tertentu buat gimmick & gue yakin Jack Brooks bakalan jadi ikon horror favorit masa depan.
" Alesan kedua adalah kehebatan tim spesial FX-nye buat nyiptain gore ama makhluk2 keren lewat cara “tradisional”. Praktis semua monsternye dibikin pake karet & prosthetic, gue berani bilang kalo ngga ada apapun di sini yg di-shoot pake CGI & itu bikin monster2nye jadi keliatan lebih mengancam daripada yg ada di film2 sejenis. Bikin mata gue jadi berkaca2 mengingat masa2 indah waktu kelihaian estetika “make-up artist” masih jadi salah satu nilai jual utama buat sebuah film horror."
Kalooooo aje ada lebih banyak produser yg mertahanin tradisi ini…
NON-CGI MONSTERS!!Selaen kredit ekstra bagi departemen estetika, cast di sini pun kudu dapet jempol buat performa mereka yg, biarpun ngga semuanye fenomenal, ada di atas standar rata2 b-movie biasanye. Trevor Matthews, kaya udah gue bilang tadi, maenin karakter yg ada lagi ada di ambang pengkultusan mitologis. Robert Englund punya banyak scene buat diisi & berhasil tampil impresif di setiap bijinye. Sisanye? Pacar menyebalkan yg annoying emang bener2 annoying, Joe Asshole reguler emang keliatan kaya asshole reguler, ngga ada yg kurang ngga ada yg berlebih. Gue ngga ngeliat ada alesan apapun buat komplen.
Ok, ok, film ini emang rada “ngerayap” buat sampe ke bagian “pembunuh monster”nye, tapi justru di bagian itu malahan kite dapet porsi gede dari aksinye Robert Englund kan? Secara pribadi, gue kaga liat ada yg salah dengan ngekspos Robert Englund kalo die akting jadi dosen creepy yg kesurupan roh jahat. Lo mau eksyen? Apaan itu kalo bukan eksyen?!!
Dengan jagoan keren, makhluk keren, ama tumpahan darah yg netes sepanjang jalan. Ngga salah kalo harapan para penggemar film monster sekarang pada numpuk diatas bahu satu nama:
Jack Brooks: Monster Slayer!!
.................................................
Ok, ok, film ini emang rada “ngerayap” buat sampe ke bagian “pembunuh monster”nye, tapi justru di bagian itu malahan kite dapet porsi gede dari aksinye Robert Englund kan? Secara pribadi, gue kaga liat ada yg salah dengan ngekspos Robert Englund kalo die akting jadi dosen creepy yg kesurupan roh jahat. Lo mau eksyen? Apaan itu kalo bukan eksyen?!!
Dengan jagoan keren, makhluk keren, ama tumpahan darah yg netes sepanjang jalan. Ngga salah kalo harapan para penggemar film monster sekarang pada numpuk diatas bahu satu nama:
Jack Brooks: Monster Slayer!!
.................................................
0 comments:
Post a Comment
Harap berkomentar yang sopan